|
Rapport final
Il rapport final tier il project da fusiun ei publicaus sin questa pagina d’internet. Entgins exemplars
da quei rapport saveis retrer dallas canzlias communalas per tals che han buca access agl internet.
Messadi
Il messadi che vegn approbaus dallas suprastonzas communalas serva sco basa per il conclus da fusiun. Quei messadi vegn repartius allas votantas ed als votants el decuors dil davos d’avrel.
Decisiun
Ils 25 da matg 2012 decidan las radunonzas communalas dallas otg vischnauncas involvidas el project «Futur Val Lumnezia» davart la fusiun alla vischnaunca nova Lumnezia. Sche silmeins sis dallas otg vischnauncas decidan persuenter entra la fusiun en vigur l’entschatta 2013 cun quellas che han approbau la fusiun.
Occurenza d’informaziun dils 12-05-2012
Sonda, ils 12 da matg 2012, allas 14.00 uras, ha liug a Vella l’occurenza d’informaziun finala dil project «Futur Val Lumnezia». A tala ei l’entira populaziun dallas vischnauncas pertuccadas envidada. Ils presidents communals informeschan e prendan cuort posiziun sur dils motivs che plaidan per la fusiun. Plinavon savein nus beneventar a quell’occurenza la presidenta dalla Regenza, cussegliera guvernativa, dunna Barbara Janom Steiner. Ella referescha sur dallas actualitads partenent fusiuns ord vesta dil cantun Grischun. Secapescha dein nus a caschun da quell’occurenza era la pusseivladad da sclarir damondas. L’occurrenza duei vegnir terminada cun in pign refrestg.
Documents
Rapport final Futur Val Lumnezia 
Decisiun dalla Regenza dil cantun Grischun 
Rapport final forestalesser-stradalesser-tecnica 
Concept general per la sparta pumpiers 
Broschura d'informaziun 
|
